Аналитика
Неверојатни резултати постигнала IuteCredit Европа во текот на минатата 2022 година. Во време на неповолни надворешни влијанија, проследени со зголемена инфлација, нови регулативи и селективна побарувачка од страна на клиентите, Iute успешно заокружил бројни проекти, започнати претходните години. Оттаму и ориентацијата кон преземање таргетирани иницијативи, со цел постигнување одржлив развој во периодите што следат.
Групацијата Iute, преку реализираните работни активности, ги надминала сопствените проекции за 2022 година. Поставените цели за консолидиран приход се натфрлени за најмалку 75 милиони евра, со пораст за речиси 20 насто, или 89 милиони евра. За исто толкав процент е зголемен и нето профитот – на 19 милиони евра, за разлика од предвидените и очекувани најмалку 16 милиони евра. Консолидираниот биланс на состојбата забележал раст на 322 милиони евра, бројот на активни клиенти се зголемил на 178 илјади, а пак, бројот на корисници на платежните услуги достигнал ниво од над 90 илјади. На тој начин солидно го прошириле влијанието на четирите пазари каде што Групацијата ги нуди и продава своите услуги – Македонија, Бугарија, Молдавија и Албанија.
Сите тие постигнувања, согледани преку квантитативните бројки кои се рефлектираат во квалитативните димензии на работењето, бизнис на Групацијата е подигнат на ново ниво. IuteGroup лани разви и промовираше унифицирана технолошка платформа која го движи бизнисот со инстант кредити во сите земји на делување, со што во иднина ќе овозможи и прекугранични плаќања. Дигитално искуство со апликацијата MyIute веќе бележи пораст. Кумулативниот број на преземања на MyIute е зголемен на 468 илјади. Тоа резултира со можноста Iute да се интегрира на систематски начин во онлајн животите на клиентите.
Продолжува да напредува и интеграција на Енергбанк во IuteGroup, со цел да се искористи неискористениот потенцијал на банката, со што ќе се придонесе за раст на Групацијата. Очекувањата се темелат на фактот дека минатогодишните деловни операции на банката учествувале со речиси пет милиони евра во нето добивката на Групацијата. Паралелно со тоа, оптимизирани се принципите на управување и менаџерскиот тим, како и аспектите насочени кон клиентите, технологијата и податоците.
IuteGroup и натаму инвестира во четирите стожери за развојот на Групацијата:
- Data Science, во суштина напредно ниво на поврзување на податочните точки за подобрување на искуството и продажбата на клиентите, притоа намалувајќи ги ризикот и трошоците. Тука се потребни и напредно управување со податоци и висококвалификувани луѓе.
- Развивање и лансирање целосен опсег на услуги за виртуелен паричник, каде што клиентите можат лесно да примаат каков било вид на плаќање на нивната тековна сметка со Iute и да трошат преку различни дигитални канали. Албанија ќе биде првата земја каде ќе започне да функционира оваа услуга во втората половина од годинава.
- Беспрекорна интеграција на кредитните и платежните услуги на Iute во е-трговија
- Целосна дигитализација на клиентското искуство во првата банка во рамките на IuteGroup.
Подготовките за рефинансирање на претходно издадената еврообврзница во обем од 50 милиони евра се на добар пат. Звисннбо од побарувачката на пазарите на капитал, се проценувааат најповолните можности и за IuteGroup и за сопствениците на обврзници, било да се работи за рефинансирање или за откуп. Во овој контекст се разгледувааат и барањата за финансирање за планираниот раст на Групацијата. Чија стратешка цел е да достигнеме еден милион клиенти кои плаќаат, во следните три години, што би одговарало на билансот на Групата од една милијарда евра до крајот на 2026 година. Со оглед на очекуваниот пад на СВТ, но подобрената дисциплина за отплата на нашите клиенти и зголемена употреба на услугите за виртуелен паричник, си поставиле амбициозна цел да генерираат годишен приход еднаков на 20 отсто од билансот на состојбтаа. Според тоа, билансот на состојбата мора да содржи само неопходни и високо искористени ставки, со цел постигнување нето профитна маржа од 20 проценти. За сето Групацијата ќе мора да обезбеди дополнителен долг и капитал.
Покрај сите очекувања за придобивките од работењето во текот на годинава, во Iute се надеваат дека ќе ја стекнат довербата на повеќе од 230.000 клиенти за кредитирање и 130.000 клиенти за виртуелен паричник. Консолидираниот биланс на состојбата се проценува дека ќе надмине 350 милиони евра. Предвидуваат и приходите од услугите што ги даваат да бидат минимум 100 милиони евра за камати, такси и давачки и консолидирана нето добивка од повеќе од 12 милиони евра.
Инаку, IuteCredit Европа (ICE) е водечка европска групација за финансии, а Тармо Силд е нејзин извршен директор.
