Аналитика
Веќе има простор во буџетот на централната влада да се приспособи за зголемување на масата за плати од близу 10 проценти, слично на проектираната стапка на инфлација за 2023, вклучително и усогласувањето на минималната плата оваа година, се вели во прелиминарните наоди на мисијата на Меѓународниот монетарен фонд, која од петти до девети јуни престојуваше во Македонија.
Според нив, разбирливо е што вработените во јавниот сектор бараат повисоки плати, поради тоа што растот на потрошувачките цени во последните години ја намали куповната моќ на домаќинствата.
Сепак, предупредуваат од ММФ, се што е над тоа би создало големо и трајно оптоварување на буџетот, а исто така би ризикувало да ги истисне другите суштински трошоци.
Исто така, посочуваат – големите зголемувања на платите би можеле да ја трансформираат привремено високата во постојано висока инфлација.
