Комерцијална банка: Со силен тимски дух до четири злата на Бофосијада 2023

Со силен тимски и спортски дух Синдикалната организација на Комерцијална банка забележа одлични резултати на Меѓународните банкарски игри во организација на БОФОС (Синдикатот на финансиски и осигурителни друштва на Србија), кои годинава се одржаа во Охрид.

Тимот од 16 члена освои златни медали во три екипни дисциплини – куглање жени, одбојка мажи и пикадо мажи.

Второ место е освоено во куглање мажи и во трка со педалинки мешан тим.

Третата позиција е заземена во дисциплината влечење јаже – мажи.

Од КБ тимот се истакнаа и поединци, особено во куглање. Милена Петрески го освои првото место, а Славко Стефанов и Соња Филиповска завршија на вторите позиции.

Нивниот колега Звонко Волчевски го зазема третото место во пикадо.

За Комерцијална банка постигнатите резултати се доказ за силната посветеност и професионалност на вработените, вредности кои се секојдневие и во нивното професионално работење.