Комерцијална банка ја почнува исплатата на јунските пензии од 1 јули

Од вторник, 1 јули 2025 година, започнува исплатата на пензиите за месец јуни преку Комерцијална банка. Пензионерите кои располагаат со активна дебитна картичка ќе можат да ги користат средствата веднаш, преку банкомат или за безготовински трансакции во трговијата.

За оние кои не користат картички, исплатата ќе биде достапна на шалтерите на експозитурите и филијалите на Банката, од понеделник до петок. Банката потсетува дека мапата со сите локации каде што може да се подигне пензијата е достапна на нејзината официјална веб-страница: kb.mk/lokacii-kb.nspx?type=branch

Оваа исплата е дел од редовниот месечен процес, со кој Комерцијална банка обезбедува навремена и достапна исплата на средства за своите пензионери, овозможувајќи им флексибилност и сигурност во користењето на сопствените финансии.