КОЈ ЈАДЕ МЕД, А КОЈ КИСЕЛО ГРОЗЈЕ во фирмите со најмногу вработени?

Кај стоте најголеми работодавачи има вкупно 88.281 вработен. Ако се земе предвид дека на крајот од 2023 година се евидентирани 573.372 осигуреници со задолжително пензиско и инвалидско осигурување, тогаш дури 15,4 насто од сите вработени се токму во овие 100 фирми. Оттука, особено е значаен податокот за тоа колкави плати исплаќаат тие.

ПРОСЕЧНАТА НЕТО-ПЛАТА КАЈ ФИРМИТЕ СО НАЈМНОГУ ВРАБОТЕНИ Е 44.178 ДЕНАРИ

Просечната нето-плата кај 100-те најголеми работодавачи е 44.178 денари. Притоа, како најниска просечна плата од 517 денари (очигледно, станува збор за сатница, а не плата) има во Друштвото за спортски активности и обезбедување ОСА Бранко ДООЕЛ Скопје. Таму имало 354 вработени во 2024 година.

На дното од табелата е Друштвото за производство, трговија и услуги СЕРТА ДООЕЛ увоз-извоз Скопје со просечна нето-плата од 20.511 денари, па Друштвото за трговија и производство СЕКЕ ДООЕЛ Прилеп со просек од 23.157 денари. Во конфекцијата ТЕКСПОРТ ДООЕЛ Марино, Илинден просекот бил 23.428 денари. Со ниска просечна плата лани било и Друштвото за производство, трговија и превоз ПЕРПЕТУУМОБИЛЕ СЕКЈУРИТИ ДООЕЛ Скопје (24.339 денари). Просечна плата под 30.000 денари давале уште 10 фирми од оваа група.

5 најголеми работодавачи со најниски просечни нето-плати во 2024 година

Извор: Бизнис мрежа

СО ПРОСЕК ОД НАД 100.000 ДЕНАРИ ИМАЛО 5 КОМПАНИИ

Во пет компании од листата на 100 најголеми работодавачи просечната нето-плата е над 100.000 денари. Во овие компании работат вкупно 2.946 вработени. Освен Бехтел и Енка, која во јавноста е веќе добро позната градежна компанија, со договорот за изградба на автопатските делници на коридорите 8 и 10, сите други компании се од информатичкиот сектор.

5 најголеми работодавачи со највисоки просечни нето-плати во 2024 година

Извор: Бизнис мрежа

Редакција Пари

Лектор: Христина Ангелеска-Мијоска

Преземањето на авторски содржини (текстови и фотографии) од оваа страница е дозволено само делумно и важат условите опишани на следниот линк.

ПАРИ ЕКСКЛУЗИВНO: 100 КОМПАНИИ СО НАЈГОЛЕМИ ДОБИВКИ во 2024 година