Кој ја набилда просечната плата во јануари на 28.272 денари?

Според податоците на Државниот завод за статистика, индексот на просечната месечна исплатена нето-плата по вработен во јануари 2021 година, во однос на јануари 2020 година, изнесува 102.7.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита (12.4 %), Уметност, забава и рекреација (8.4 %) и Информации и комуникации (8.3 %).

Според податоците на Заводот за статистика во секторите Дејност на здравствена и социјална заштита очекувано зголемувањето на просечната плата најмногу е забалежано кај лекарите и останатиот медицински персонал.

Во јануари годинава просечната плата меѓу здравствената фела изнесувала 37 596 денари и во однос на поледните три месеци од 2020 кога била 36 616 денари бележи пораст од 14,8 проценти.

Намалување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување (7.7 %), Објекти за сместување и сервисни дејности со
храна (5.9 %) и Информации и комуникации (5.4 %). Просечната месечна исплатена нето-плата по вработен, во јануари 2021 година, изнесува 28. 272 денари.