Кои се најскапите и најевтините градови за странските работници

Престолнината Туркменистан во Ашхабат, е најскапиот град во светот за странските работници.

Ова го покажа годинешното истражување спроведено за потрошувачката на животот од страна на американската компанија Мерсер за управување со средства.

Во годишниот извештај на Мерсер рангирани се 209 градови во светот врз која е направена анализа на потрошувачката за живот, како што се трошоци за домување, превоз, храна и забава, споредбено со Њујорк.

Ашхабат, кој беше на второто место од минатогодишната листа, се издвојува во групата од 10 најскапи градови за странски работници, во која се вклучени претежно светски деловни и финансиски центри како што е Хонг Конг, кој важеше за најскап минатата година, а оваа година е на второто место, потоа е Токио (четврти годинава), Цирих (петти) и Сингапур (седми).

Според извештајот на Мерсер, сегашната финансиска криза во Туркменистан, што доведе до недостиг на храна и хиперинфлација, влијаеше на тоа да скокнат трошоците за живот во Ашхабад во последните неколку години.

Како најголемо изненадување во споредба со минатогодишното истражување, според Мерсер се издвојува Бејрут, кој важи за најскап град за работниците од странство во 2020 година, кој од 45-тата позиција, се искачи на третото место оваа година.

Причините за ваквиот потег, според толкувањето од извештајот, се сведени на економска депресија во Либан, која беше отежната од пандемијата со корона вирусот и кобната експлозија што се случи на пристаништето во Бејрут минатиот август.

Европските градови исто така се рангирани за релативно поскапи од оние во САД, како резултат на порастот на еврото во однос на доларот од скоро 11 проценти, што резултираше да испадне Њујорк од првите водечки места според Мерсер, додека Париз оваа година се искачи од 50-тото на 33-то место.

Слично е и со австралиските метрополи, како Сиднеј и Мелбурн, кои се искачија на ранг-листата поради апрецијацијата на австралискиот долар.

Што се однесува до најевтините градови за работници од странство, на дното на ранг-листата на Мерцер се наоѓаат Тбилиси, главниот град на Грузија (207. место), Лусака, Замбија (208) и главниот град на Киргистан, Бишкек (209).