Јовановски за Кичево: Енергетски ефикасни фасади на сите згради постари од 25 години

За пониски трошоци и за чист воздух во Кичево, менувањето на старите фасади е само дел од предизборната програма на Александар Јовановски, кандидат за градоначалник на Општина Кичево од ВМРО-ДПМНЕ. Како што изјави, тоа се однесува на сите згради кои се постари од 25 години.

„Ќе изградиме енергетски ефикасни фасади со кои ќе се намали потрошувачката на електрична енергија, нормално ќе се намали и загадувањето, бидејќи ќе нема толку потреба од користење на дрвна материја и ќе се намалат трошоците и ќе се зголеми квалитетот на животот на нашите сограѓани“, посочи Јовановски.