Јавниот повик на ЕСМ Продажба активен уште два дена: Со повеќе понуди до најповолна цена

Сите домашни и странски лиценцирани и регистрирани компании, кои можат да обезбедат и да испорачаат гас за март, може да се пријават на повикот објавен од ЕСМ Продажба, за прибирање  понуди за снабдување со природен гас за топланите и другите потрошувачи во државата. Јавниот повик е творен до петок (24.02).

Според Виктор Андонов, соработникот за енергетика, компаниите треба да достават податоци за техничките карактеристики на гасот, земјата на потекло, гаранција, фиксна цена за Mwh, вкупната количина што се нуди и изјава од одговорно лице на понудувачот дека може навремено да ги обезбеди наведените количини и да ги испорача до главната мерна станица Жидилово. Како што посочи, во интерес на граѓаните е да има повеќе понуди и конкурентни услови, со цел обезбедување најповолна понуда.

Исто така, наведе дека Владата обезбедила речиси милион евра за субвенционирање на сметките за струја на домаќинствата со ниски приходи. Субвенцијата се движи од 600 до 800 денари, зависно од категоријата во која припаѓаат. Оттаму и апелот до граѓаните, да аплицираат на јавниот повик од Министерството за економија, кој се уште е активен, како би добиле можност за остварување на своите права.