Аналитика
Македонското население подолго време е во „менгемето на економска криза, инфлација и растечки цени“.
За граѓаните сѐ е поскапо, а пазарењето и снабдувањето со намирници потребни за пристоен живот е сѐ потешко.
Една неодамнешна спроведена анкета за перцепциите и ставовите на граѓаните и домаќинствата за инфлацијата во Македонија покажува дека „вината за растот на инфлацијата граѓаните ја лоцираат првенствено кај Владата, а потоа се глoбалните предизвици и приватниот сектор, односно производителите и маркетите“
Инфлацијата сѐ уште тешка за менаџирање, а проблематиката е повеќеслојна.
Според Владата, нивото на инфлацијата во последните месец-два се смирува и е на ниво на 3 отсто. Оттаму истакнуваат дека нивото треба да биде уште пониско, со можност да премине во дефлација, наместо да имаме инфлација.
Од Владата сметаат дека цените на прехранбените производи треба да бидат пониски и апелира до трговците максимално колку што можат да ги намалат маржите.
– Ние сме пазарна економија, пазарот ги диктира цените. Ако влеземе во една политика на ограничување, тогаш видовте какви резултати ни даде таа политика-ни даде спротивни ефекти од тие што ги очекувавме. Затоа, политиката на оваа Влада е да поддржува инвестиции и затоа не е политиката на оваа Влада да одржува зголемена и вештачки набилдана јавна потрошувачка, затоа што парите на тој начин губат вредност и иста количина на пари по еден месец ја губи својата вредност и деноминира, би рекол за десетина проценти – истакна премиерот Христијан Мицкоски.
Иднината во вашиот дом со апаратите за домаќинство од Samsung
Цените се зголемени, особено на оние производи што се дел од потрошувачката кошничка на граѓаните, што негативно се одразува врз нивните семејни буџети.
Секоја инфлација негативно влијае, не само врз џебот на граѓаните, туку и врз севкупната економија. Државата е таа што мора да ја држи под контрола инфлацијата, но истовремено да внимава да не го оптовари државниот буџет.
Според економски експерти кои се занимаваат со оваа проблематика, проблемот со инфлацијата е многу сериозен и на него треба сериозно да се работи, зашто досегашните поскапувања се проблематични.
– Треба да се оди многу внимателно, да се дизајнираат политиките, зашто тоа удира директно на потрошувачката кошница. Мора да се дејствува координирано и да се менаџира мешавината од политички, фискални и монетарни политики, за да се избере помалку лошиот резултат – посочи неодамна универзитетскиот професор Абдулеманф Беџети.
