ИНФЛАЦИЈАТА ТОЛКУ ВИСОКА ШТО ГУВЕРНЕРКАТА НА ТУРСКАТА НАРОДНА БАНКА се враќа да живее со родителите поради високите кирии: Истанбул е поскап од Менхетн!

Гувернерката на турската Народна Банка, Хафизе Еркан, вели дека била принудена да се врати во домот на своите родители поради високата инфлација во Турција. Во своето обраќање пред турското национално собрание, Хуријет, Еркан рече дека нејзината одлука се должела на порастот на кириите поради недостигот на социјалното домување – за што придонесла растечката инфлација во нејзината држава.

Еркан, која ја превзеде функцијата гувернер на Народната банка на Турција откако две децении помина живеејќи во САД рече дека, кога постои недостиг на залихи и ефтино финансирање, „балансите понекогаш се пореметуваат“.

“Тука за нас е најголем проблем недостигот на социјално домување. Тоа предизвикува покачување на кириите поради недостигот на евтино домување“. Таа исто така рече дека „напиот претседател и потпретседател се исто така фокусирани на проблемот на евтино домување“.

„Домувањето и храната се многу важно прашање. Помина многу долго време откако нашата држава го решаваше прашањето на здравството. Како е можно Инстанбул да станал поскап од Менхетн? Не можевме да најдеме куќа во Истанбул, беа ужасно скапи. Се договоривме со моите родители и се сместивме кај нив“, рече таа.

Во ноември, годишната инфлација во Турција изнесуваше 62 проценти. Ова уследи откако во октомври инфлацијата на годишно ниво достигна 61,36 – тренд предизвикан од депрецијацијата на турската национална валута, лирата.

Централната банка на Турција се очекува повторно да ја заостри политиката оваа недела, но со побавно темпо во споредба со претходните месеци, како што се приближува кон крајот на својот циклус, според истражувањата на пазарот.

Од јуни, кога претседателот Реџеп Тајјип Ердоган ја назначи поранешната банкарка од Волстрит Хафизе Гаје Еркан за нејзин гувернер, Централната банка на Република Турција (ЦБРТ) ја подигна основната стапка за 3.150 базични поени – вклучувајќи зголемување од 500 базични поени во секоја од последните три месеци.

Клучната каматна стапка се зголемува за 250 базични поени во четвртокот на 42,5%, според средниот одговор на 12 институции во анкетата на Ројтерс.

Минатиот месец аналитичарите предвидуваа и намалување на затегнувањето. Но, централната банка беше изненадена од повторното зголемување за 500 базични поени до 40% за да се справи со двоцифрената инфлација.

Аналитичарите во Морган Стенли во петокот, исто така, предвидоа побавно темпо на затегнување, предвидувајќи зголемување на стапката на репо за една недела за 250 базични поени.

Банката минатиот месец соопшти дека сегашното ниво на политиката е значително блиску до она што е потребно за воспоставување на курсот на дезинфлација, додавајќи дека темпото на затегнување на монетарната состојба ќе се забави и циклусот ќе биде завршен наскоро.

Централната банка очекува инфлацијата да се зголеми од речиси 62% минатиот месец на 70-75% во мај, пред да се спушти на околу 36% до крајот на следната година.