Аналитика
Албанија продолжува да бележи постојан раст во туристичкиот сектор, со 820 илјади странски посетители само во април 2025 година. Со ова, вкупниот број на туристи што влегле во земјата во текот на првите четири месеци од оваа година изнесува 2,45 милиони.
Странските пристигнувања достигнале 819.151, што е зголемување од 3,2%. Околу 95% доаѓаат од Европа, претежно од Јужна Европа (74%). Околу 97% од сите посетители дојдоа од лични причини, како што се одмори или семејни посети. Ова покажува пораст на домашниот туризам.
Деловните и професионалните посети пораснаа за 40,8%. Ова укажува на растечка економска активност и инвестиции во туризмот и пошироката економија.
Албанскиот премиер Еди Рама изјави дека овој раст е доказ за стабилноста и консолидацијата на Албанија како растечка туристичка дестинација во Европа. „820 илјади странски посетители ја посетија Албанија во текот на месец април, со што вкупниот број на дојдовни туристички текови во текот на овие четири месеци од годината достигна 2,45 милиони, зголемување што покажува стабилност, индикација дека Албанија се консолидираше како дестинација за одржливо патување, а воедно продолжува да биде највозбудливото изненадување од европските дестинации“, рече Рама.
„По силниот раст во претходните години, се очекува економијата на Албанија да порасне за 3,6% во 2025 година и 3,5% во 2026 година, поттикната од домашната побарувачка.“ Ова е економската прогноза на Европската комисија за Албанија, врз основана поддршката од туризмот и извозот. „Се очекува извозот на услуги да продолжи да се шири, додека извозот на стоки се очекува донекаде да се опорави по две години значително намалување“, се вели во извештајот на Европската Комисија за економските прогнози за Албанија, базирани врз инпутот на туризмот и извозот.
Според извештајот, по брзиот пад во 2024 година, се очекува инфлацијата постепено да се врати на целта од 3% следната година.
Иако се очекува фискалниот дефицит да се зголеми пред да падне под 2% од БДП во 2026 година.
„Се очекува дефицитот на тековната сметка малку да се зголеми од историскиот минимум забележан во 2023 година, но останува далеку под долгорочниот просек, што укажува на структурни подобрувања поттикнати од растот на туризмот. Оваа перспектива е предмет на ризици од опаѓање, поврзани со промените во девизните курсеви и каматните стапки и растечкиот недостиг на квалификувана работна сила влошен од емиграцијата“, се вели во извештајот, пишува А2 CNN.
Aлбанија е последниве години се почесто барана туристичка дестинација, а се зголемуваат и инвестициите во туристичкиот сектор и во инфраструктурата. Неодамна беше завршено проширувањето на капацитетите на аеродромот во Тирана, а минатиот месец, во пресрет на годинешната туристичка сезона отворен беше и нов меѓународен аеродром во Валона.
Иако најголем дел од притисокот на навалицата од туристи оди на албанското морско крајбрежје, се поголем е интересот на странските туристи и за другите подрачја во внатрешноста на Албанија, каде интензивно се развива планинскиот туризам. Албанија има за цел да ги прошири своите заштитени подрачја. Заштитените подрачја станаа и популарни туристички дестинации.
Целта е да се додадат повеќе елементи на биолошката разновидност. Ова го поддржува одржливиот развој и зачувувањето.
Заштитените подрачја се оази на биолошката разновидност во Албанија. Тие сега покриваат 21,5% од територијата на земјата.
Проширувањето на заштитените подрачја ќе го зајакне нивниот интегритет. Овие подрачја остануваат недопрени во споредба со другите делови од земјата. Тие штитат висок биодиверзитет и ретки живеалишта. Посетителите се восхитуваат на нивната природна убавина и разновидни пејзажи. Само во 2024 година, заштитените подрачја привлекоа 5,5 милиони посетители.
(Фото: Albanian Daily News)
