Аналитика
Цврстите горива добиени со преработка на отпад (СРФ) и горивата добиени од преработен отпад (РДФ) сè повеќе се употребуваат во производството на цемент и ова е тренд кој се очекува да продолжи во наредните години.
Истражувањата покажуваат дека цементната индустрија всушност претставува еден од најголемите потрошувачи на СРФ и РДФ во Европа. Целокупната цементната индустрија во Европа користи околу 5 милиони тони од овие две горива на годишно ниво, од вкупното произодство кое изнесува 12 милиони тони.
Најчесто, СРФ и РДФ се користат како секундарни горива во процесот на согорување во фабриките за цемент. Меѓутоа, во блиска иднина има голем потенцијал овие две горива да се користат како замена за нафтениот кокс, доколку нивната калорична вредност е доволно висока.
Кои се придобивките?
Намалување на депонирањето на отпадот
Отпадниот материјал најчесто се отстранува на економски неефикасни начини, коишто истовремено се штетни за животната средина и за циркуларната економија. За разлика од оваа пракса, производството на СРФ од неопасни отпадни материјали е одржлив начин за добивање на енергија. Наместо депонирање на отпадот, ова алтернативно гориво може ефикасно да се употребува во цементана индустрија.
Влијание врз животната средина
Употребата на СРФ или РДФ во производството на цемент би помогнало во стремежот за намалување на емисиите на јаглерод на глобално ниво. Како пример може да се земе цементната индустрија во Италија. Во 2018-та година успеале да ги намалат вкупните емисии на CO2 за 8.9% споредбено со 2017-та година. Ова им успеало во добар дел поради зголемување на употребата на алтернативни горива, како и горива од биомаса наспроти фосилните горива.
Значењето на квалитетот на гориво во фабриките за цемент
Со цел да се осигура констанантна работа на печките, внимателно треба да се мониторираат нивоата на нечистотии во горивата од отпад. . Редовните хемиски анализи на СРФ и РДФ се неопходни со цел да се идентификуваат евентуални контаминенти во горивата од отпад, како хлор. Со отстранување на штетните материи операторите на цементните печки спречуваат влез на нечистотии во неа, коишто се закануваат да го нарушат термичкиот процес, а со тоа и да ја оштетат. Отпадни материи што содржат хлор (PVC пластика, полиуретан, епоксидни смоли, некои видови на текстил и др.), никако не смеат да бидат потенцијална суровина за производство на алтернативни горива од отпад.
Извор: https://www.ahkgroup.com/cement-plants-optimisation/
