ГОЛЕМ ПОЖАР ВО СКОПЈЕ: Гори Универзална сала

Во објектот на Универзална сала во Скопје која се реконструира утринава изби пожар. Пламени јазици се издигаат над куполата на објектот, проследени со густ црн чад.

Од Центарот за управување со кризи потврдуваат дека се запалила куполата на салата и во моментов интервенира Пожарната бригада на Град Скопје. Сѐ уште нема информации што била причината за пожарот.

Објектот на Универзалната сала, кој беше во фаза на реконструкција, со години стоеше недовршен. Реновирањето повторно почна пред еден месец, а неодамна беше поставена купола.  Надлежна институција за реконструкцијата е Министерството за култура.