Генерали Инвестментс: Како централните банки ќе одговорат на стресот во банкарскиот сектор?

Тимот на Генерали Инвестментс подготви резиме за актуелните настани кои влијаат врз пазарите на капитал.

Одново поголема нестабилност на пазарите

Во последните недели, се чини дека пазарот достигна ниво каде што ќе му бидат потребни многу подобри економски или монетарни податоци за да се движи во нагорна линија. Движењата беа во рамките на воспоставениот коридор, а флуктуациите зависеа главно од движењето на показателите за инфлација и од дејствувањето и комуникацијата на централните банки. До четвртокот се чинеше дека и оваа недела не очекува нешто слично, но финансиските пазари беа дестабилизирани од веста за колапс на две банки кои предизвикаа стрес во банкарскиот сектор.

Минатата недела стартуваше во негатива по редовниот настап пред американскиот Конгрес на гувернерот на ФЕД – Пауел , кој јасно стави до знаење дека врз основа на најновите податоци за тврдоглавата инфлација, ФЕД е подготвен да ги зголеми каматните стапки повеќе од претходно предвидените. Пазарите брзо се приспособија на значително зголемената веројатност за зголемувањето на каматните стапки за 50 базични поени. Но, пресудно влијание врз идните одлуки на американската централна банка ќе имаат и настаните што следеа. Поради тоа беше свикана вонредна седница зад затворени врати.

Пад на етаблиран играч со ризичен капитал

„Само кога ќе се појави осека, можеме да видиме кој плива гол“, изјави Ворен Бафет на почетокот на финансиската криза во 2008 година, со што сликовито го опишува тоа што го гледаме во последните денови: компаниите понекогаш ги сфаќаат ризиците што ги преземале само кога ситуацијата се влошува на пазарот. Веќе во средата, во крипто индустријата одекна колапсот на финансискиот проект Silvergate, но бидејќи банката не одигра важна улога надвор од областа на криптовалутите, настанот остана повеќе или помалку занемарен на поширокиот финансиски пазар. Сосема поинаку беше еден ден подоцна, кога калифорниските банкарски регулатори ја затворија Банката на Силиконската долина (SVB) поради неликвидност и несолвентност. SVB инаку беше помалку позната финансиска институција која се фокусираше на финансирање со ризичен капитал. Се сметаше за многу етаблиран и доверлив заемодавач, особено во областа на американските биотехнолошки и ИТ старт-апи. Во последниве години, евтините пари и напливот на ликвидност поттикнаа прекумерен раст на гореспоменатиот пазарен сегмент, големи количини пари потоа се слеаа на сметката на банката, која вишокот ликвидност го инвестираше во сигурни долгорочни државни обврзници во период на многу ниски каматни стапки. Полошите пазарни услови во последниот период предизвикаа одлив на депозити и ја влошија адекватноста на капиталот на банката. Банката беше принудени да се докапитализира и да продава финансиски инвестиции (главно обврзници), чија вредност нагло падна во последната година поради брзиот пораст на каматните стапки. Како резултат на тоа, овие инвестиции беа продадени со огромна загуба. Кога банката го објави ова, клиентите ја изгубија довербата и почнаа масовно да ги повлекуваат своите средства, со што банката стана несолвентна.

Во текот на викендот, најважните клиенти на банката, како што се фондовите за ризичен капитал, помалите технолошки компании и стартапите од Силиконската долина, побараа од американската влада да интервенира. Депозитите поголеми од 250.000 долари не се осигурени, што значи дека повеќето компании кои имале депонирани средства во банка може да си ги избришат парите. Иронијата овде е што некои фондови за ризичен капитал беа делумно виновни за колапсот на банката, ги повикаа компаниите што ги финансираат да ги повлечат своите депозити од SVB банката при што се засили паниката и предизвика домино ефект на одливи.

Системските важни банки на сигурна страна

Бидејќи финансискиот сектор е меѓусебно поврзан, сеќавањето на 2008 година, кога колапсот на Lehman Brothers и кризата со ликвидност се прошири низ целиот финансиски систем, сè уште беше свежо, сеизмичките шокови брзо се проширија низ целиот сектор. Индексите на европските и американските банки изгубија повеќе од 10% од својата вредност минатата недела, а песимизмот се прошири и врз акциите на банките од други места во светот. Но за поголемите и системски важни банки, падовите беа многу полесни за управување, бидејќи за разлика од Lehman Brothers, банките како SVB и Silvergate во голема мера работеа во тесен и специфичен сегмент на пазарот и не претставуваат голем системски ризик.

Во неделата навечер, американските регулатори ја затворија Signature Bank, која беше присутна и во областа на криптовалутите, а уште неколку слични помали регионални банки се најдоа во неволја после отворањето на пазарите. Американското Министерство за финансии, Федералните резерви на САД и Федералната корпорација за осигурување на депозити објавија дека сите депозити (дури и оние над 250.000 долари) ќе бидат заштитени. Институциите кои беа директно погодени од пропаѓањето на банките ќе имаат право на специјални заеми од американската централна банка. Ова барем малку ги смири пазарите. Сепак, настанот не потсетува на скриените замки што ги носат нагло зголемените камати и дека може да се случи уште еден сличен шок во наредните месеци, кој за кратко време ќе ги прочисти и потресе финансиските пазари.

Како ќе реагираат централните банки?

Со оглед на проблемите на банките, очекувањата на пазарот за идните потези на ЕЦБ и ФЕД, кои ќе се состанат оваа и следната недела, исто така значително се прилагодија. Аргументите на оние кои предупредуваат на опасноста од присилно зголемување на каматите, секако добија на тежина последните денови. Според минатонеделната објава на гувернерката Кристин Лагард (пред потресите во банкарскиот сектор), ЕЦБ, која најбрзо ги крева каматите од воведувањето на еврото, ќе донесе одлука веќе овој четврток за зголемување на каматните стапки за 0,5%.  Значи, наскоро ќе видиме дали овој настан носи долгорочни промени (пресврт во политиката на покачување на каматните стапки), или тоа е само споредна епизода.

СОВЕТИ ЗА ИНВЕСТИТОРИТЕ

Макроекономските податоци покажаа знаци на закрепнување. Инфлацијата се стабилизира и е во надолен тренд, но целта од 2% изгледа далечна. Проблем останува тврдоглаво високата базична инфлација. Пазарот на труд останува многу силен и како резултат на тоа централните банки навестуваат континуирано заострување на монетарната политика. Очекувањата на инвеститорите за неизбежен пресврт во каматната политика дополнително зајакнаа по најновите настани на финансиските пазари. Ова е спротивно на реториката на централните банки, но каматната политика стана многу непредвидлива. Ваквото оптимистичко сценарио претставува ризик за пазарите. Деловните прогнози за 2023 година се оптимистички, но одредени индустрии и сегменти се под притисок. Подоброто расположение се враќа на пазарите во развој. Отворањето на Кина дава надеж дека втората по големина економија во светот ќе даде значаен придонес за економскиот раст. Со оглед на сите предизвици и очекувани промени, акциите не се евтини, но одредени сегменти на пазарот сепак нудат можности. И покрај флуктуациите од минатата недела, или токму поради нив, препорачуваме да се задржи долгорочен пристап со периодични зголемувања на инвестициите, што се покажа дека дава добар одговор и најдобар резултат во услови на поголема нестабилност и привремена неизвесност. Диверзификацијата на портфолиото останува клучен двигател за одржување и зајакнување на заштедите. Комбинација од акциски фондови како што се Генерали Топ Брендови, Генерали Америка и паричниот фонд Генерали Кеш Депозит, ги нуди најдобрите решенија за сложениот коктел на актуелната политичка ситуација и економското опкружување. Тоа исто така носи одредени можности. Оние кои имаат поголема позиција во технологијата или одредени други сегменти во нивното портфолио можат да го искористат овој пораст за да ги реконструираат своите портфолија. Генерали БРИК сепак, останува многу шпекулативна инвестиција, бидејќи кинеската држава редовно и често ја менува сликата за иднината што ја предвидуваат инвеститорите, што со себе носи силни флуктуации. Европските акции бележат големи загуби во последната недела, главно поради банките, а исто така и одливот на американскиот капитал дома, во побезбедни инвестиции, но економската слика останува релативно добра. Обврзниците ја имаа најлошата година (2022) во последните 50 години. Не веруваме дека тоа може да се повтори во 2023 година, напротив, полека ќе почне да се гради можност за инвестирање. Потезите во последната недела изгледаат претерани, бидејќи девизните курсеви нагло пораснаа и следствено, се уште почувствителни на непредвидливата политика на централната банка. За трпеливите инвеститори ова се моментите за почнување на градење на позиции како на берзата, така и на пазарот на обврзници, а резултатот ќе го донесат следните години.