Дизелот поскап за 3,5 денари, цените на бензините остануваат исти

Регулаторната комисија за енергетика (РКЕ) ги објави новите највисоки малопродажни цени на горивата, при што промената ја носи само дизелот, додека бензините остануваат непроменети.

Од ноќеска на полноќ важат следните цени:

Еуросупер БС-95 – 86,50 денари за литар (без промена)

Еуросупер БС-98 – 88,50 денари за литар (без промена)

Еуродизел (Д-Е V) – 95,50 денари за литар (+3,5 денари)

Екстра лесно масло (ЕЛ-1) – 92,00 денари за литар

Мазут М-1 НС – 47,61 денари за килограм.

Во споредба со претходната одлука од 16 март, кога дизелот се продаваше за 92 денари по литар, новата цена значи раст од 3,5 денари или околу 3,8 проценти, додека цените на бензините остануваат идентични.

Цените се формирани врз основа на движењата на светските пазари, курсот на доларот, како и на даночните и парафискалните давачки, вклучувајќи акцизи, транспортни трошоци и трговски маржи. Трговците и понатаму имаат можност да продаваат и по пониски цени од утврдените максимуми.

Инаку, Владата вчера донесе одлука за намалување на ДДВ за горивата од 18% на 10%, мерка што треба да го ублажи ценовниот притисок во наредниот период.

РКЕ, пак денес го смени и правилникот, со што овозможи за цените на горивата да се одлучува и да се прават корекции на дневна основа.