Аналитика
ТТК Банка АД Скопје ги известува своите почитувани корисници дека почнувајќи од 26-ти август 2020 година банката ќе врши исплата на пензијата за месец август на пензионерите кои ја примаат својата пензија од Фондот за пензиско и инвалидско осигурување на нивната денарска сметка во ТТК Банка АД Скопје и тоа на следниот начин:
- од 26.8.2020 г. (среда) на корисниците на Visa дебитните картички кои ќе можат да располагаат со средствата, безготовински – преку мрежата на банкомати или за плаќања во трговската мрежа.
За корисниците кои не поседуваат дебитни картички, заради заштита на нивното здравје и превенција од ширењето на коронавирусот, исплатата ќе се реализира во сите отворени филијали и експозитури во 4 групи според висината на пензијата и тоа:
- до 11.000 денари на 26.8.2020 г. (среда)
- од 11.001 до 14.000 денари на 27.8.2020 г. (четврток)
- од 14.001 до 18.000 денари на 31.8.2020 г. (понеделник)
- над 18.000 денари на 1.9.2020 г. (вторник)
Напомена: За корисниците на пензии од Еуростандард Банка АД Скопје коишто отвориле денарска сметка заклучно со 21-ви август, исплатата на пензиите ќе се реализира во предвидениот период од 26-ти август до 1-ви септември 2020 година.
За корисниците на пензии коишто не отвориле сметка и не ја пријавиле кон ПИОМ заклучно со 21-ви август, ќе се организираат дополнителни термини за редовна исплата во месец септември, во деновите 7.9.2020 г. (понеделник), 14.9.2020 г. (понеделник) и 25.9.2020 г. (петок).
ТТК Банка АД Скопје апелира средствата првенствено да се користат безготовински, за плаќање во трговската мрежа преку електронското или мобилното банкарство, а во случај на потреба од готовина да се подигнуваат од банкомат.
Во случај на неопходна посета на филијалите и експозитурите, од ТТК Банка потсетуваат дека задолжително е носење лична заштитна опрема на лицето (заштитна маска, марама или шал), држење на пропишаното минимално растојание и дезинфекција на рацете. Пензионерите коишто не поседуваат дебитна картичка можат да ја искористат посетата за да поднесат барање за изработка на дебитна картичка поврзана со нивната сметка. На тој начин, нивните средства ќе им бидат достапни во секое време за плаќање во трговската мрежа, како и можноста за подигнување на средствата од банкомат.
