Аналитика
Цената на среброто, металот што често е во сенка на својот посјаен дериват – златото, скокна во последните неколку дена за повеќе од 70 проценти, а стратегистите за стоки велат дека порастот веројатно ќе продолжи со повторното отворање на целокупната економија.
Побарувачката за овој благороден метал нагло се зголеми во последните 12 месеци, се одрази во движењето на цената на среброто, со кое оваа недела се тргуваше со околу 27 долари за унца, или за 74 проценти што е повисоко од пред една година, кога за истото цената беше околу 15,5 УНД. Во споредба со среброто, цената на златото се зголеми за 6,4 проценти во текот на годинава.
Среброто наоѓа примена во многу индустриски активности – од електроника до производство на фотографии, накит и монети.
Поради својата висока електрична спроводливост и издржливост, овозможено е во многу индустрии и технологии, скоро во сите компјутери, мобилни телефони, автомобили и други уреди, содржат сребро.
Според податоците од Институтот за сребро, се наведува дека од почетокот на 2021 година до сега, побарувачката за сребро е поголема од понудата.
Оле Хансон, кој е раководител за стратегиите на пазарот на стоки во Саксо банка, изјави дека околу 50% од побарувачката за сребро доаѓа од индустријата, а остатокот од инвеститорите.
Тој додава дека сепак употребата на сребро во индустријата е една од главните причини што доведе до скок во цената.
Според него, дополнителен фактор кој исто така играл улога во зголемувањето на цената на среброто е и преминот кон “зелените технологии”, што го стимулираше растот на побарувачката за индустриски метали како што е среброто, кое се користи во производството на соларни панели.
