Аналитика
Тајланд доби покана од Русија, која претседаваше со БРИКС во 2024 година, а ќе се приклучи на БРИКС како земја партнер од 1 јануари 2025 година. Ова го соопшти тајландското Министерство за надворешни работи.
Партнерството меѓу Тајланд и организацијата ќе се фокусира главно на трговијата, инвестициите и туризмот, иако не се исклучени и други области на соработка, се вели во соопштението.
„Покрај економската соработка, ангажманот на Тајланд со БРИКС ја зајакнува неговата посветеност на мултилатерализмот, особено меѓу земјите во развој. [Азиско-пацифичка економска соработка], ACD [Азиски дијалог за соработка] и BIMSTEC [Бенгалска иницијатива за мултисекторска техничка и економска соработка]“, нагласи Министерството, пренесува агенцијата Баха.
Да потсетиме, заменик-министерот за надворешни работи на Руската Федерација Александар Панкин неодамна најави дека Тајланд ќе стане земја партнер на БРИКС заедно со Индонезија и Малезија.
„Самитот на БРИКС во Казан ја покажа желбата на глобалното мнозинство да воспостави фер светски поредок, да ги реформира глобалните институции и да изгради еднакви економски врски. Беше склучен солиден пакет договори во областа на трговијата, инвестициите, вештачката интелигенција, енергијата и климата Нашите колеги од АПЕК, Индонезија, Малезија и Тајланд станаа партнери на асоцијацијата“, рече Панкин на заедничката средба на министрите за надворешни работи и трговија на економиите на АПЕК.
Бразил денеска и официјално го презеде претседателството со БРИКС од Русија, а властите во Бразил објавија дека фокусот на претседателството со блокот ќе биде на животната средина, трговијата и вештачката интелигенција.
Според најавата на МНР, Бразил ќе се фокусира на активностите на БРИКС во првата половина од годината, додека подоцна во 2025 година ќе биде домаќин на Конференцијата на Обединетите нации за климатски промени (COP30), пренесува Глобо.
