Аналитика
Ветувањето на Европската Унија за инвестиции во САД, што е дел од трговскиот договор меѓу ЕУ и САД ќе треба да се почитува од страна на ЕУ или ќе се применат општи царини од 35% во блокот, предупреди американскиот претседател Доналд Трамп во интервју на CNBC.
Прашан за договорот со претседателката на Комисијата Урсула фон дер Лајен во Шкотска на 27 јули во емисијата, претседателот Трамп ја пофали позицијата на САД дека договорот вклучува ветување ЕУ да инвестира 600 милијарди долари во САД до крајот на неговиот втор мандат. „Оваа нова инвестиција е дополнување на над 100 милијарди долари (што) компаниите од ЕУ веќе инвестираат во Соединетите Држави секоја година“, се наведува во информативниот лист по договорот.
Сепак, Европската комисија не е во можност да дизајнира и имплементира инвестиции во име на приватниот сектор. 600-те милијарди долари се опишани од Комисијата како индикација заснована на контактите на извршната власт со индустријата. „Тоа не е нешто што ЕУ, како јавен орган, може да го гарантира – тоа е нешто засновано на намерата на приватните компании“, рече висок функционер минатата недела.
На прашањето на Squawk Box какви мерки за примена има во елементот на инвестициско ветување од договорот, Трамп рече дека ако тоа не се случи, „тогаш тие плаќаат царини од 35%“.
Трамп рече дека инвестициското ветување е една од причините зошто ги намалил царините на општа стапка од 15%, па ако не се исполни, тогаш повисоките царини повторно ќе се вратат во сила.
Комисијата во вторник го суспендираше пакетот трговски контрамерки насочени кон американски стоки во вредност од 93 милијарди евра, кој требаше да стапи на сила на 7 август, додека продолжува да преговара за заедничка изјава со која се формализира договорот постигнат од фон дер Лајен и Трамп во Шкотска.
