ЧИТАМЕ: ВОЛАС Д. ВОТЛС – НАУКА ЗА СТЕКНУВАЊЕ БОГАТСТВО | Дел 1/4

Како што е објаснето во бестселерот „Тајна“, ова е најосновниот водич за стекнување богатство, објавен со класичниот есеј „Како да го добиете она што го сакате.“ Валас Д. Волтс поминал цел живот размислувајќи за законите за успех, барајќи ги во делата на големите светски филозофи. Тој го претстави својот живот во оваа едноставна книга – за кој тој вети дека може да ги замени огромните философски библиотеки, библиотеките за духовност и самопомош со цел да се постигне една дефинитивна цел: просперитетен живот, привлекување на богатството, изградена врз основа на една носечка идеја: „Постои размислување од кое се создаваат сите работи… Мислата, во оваа супстанција, го создава она што е прикажано од мислата. Во своите седумнаесет кратки, директни – поглавја, Вотлс покажува како да се искористи оваа идеја, како да се надминат бариерите за нејзината примена и како да се работи со многу директни методи што треба да се разбудат во вашиот живот.

Тој понатаму објаснува како креацијата, а не конкуренцијата е скриен клуч за привлекување на богатство и како вашата моќ да се збогатите ги воздигнува сите околу вас. Науката за стекнување на богатство завршува со реткиот есеј на Вотл „Како да научиш да сакаш“ – брилијантен водич на неговите закони за создавање богатство.

ДЕЛ 1|2

Правото да се биде богат

Што и да може да се каже во пофалба на сиромаштијата, останува фактот дека не е можно да се живее навистина комплетен или успешен живот, освен ако не сте богати. Никој не може да го издигне до највисок можен степен својот талент или душевен развој ако нема многу пари; за да ѝ даде израз на душата и да го развува својот талент, на човек му е потребно да користи многу нешта, а не може да ги има овие нешта доколку нема пари да ги купи.
Човекот се развива умствено, душевно и телесно преку употреба на ствари, а самото општество е организирано на таков начин што човекот мора да има пари за да поседува ствари. Следствено, основата за секој напредок на човекот лежи во науката за стекнување богатство.

Развојот е цел на сечиј живот и сѐ што живее има неодделиво право на сиот развој што може да го постигне.

Човековото право на живот значи дека тој има право на слободна и неограничена употреба на сите нешта кои може да му се потребни за негов целосен умствен, духовен и физички развој. Со други зборови, тој има право да биде богат.

Во оваа книга, нема да зборувам за богатство на фигуративен начин; да се биде навистина богат не значи да се биде задоволен или задоволеност со малку. Никој не треба да се задоволува со малку доколку е способен да користи и да ужива повеќе. Целта на природата е напредокот и течењето на животот, и секој човек треба да го поседува сето она што може да придонесе за моќ, елеганција, убавина и богатство во животот; да се биде задоволен со помалку е грешно.

Човекот кој поседува сѐ што сака за да го живее животот во неговиот целосен потенцијал е богат, а ниеден човек кој нема многу пари не може да има сѐ што сака. Животот е толку напреднат и е станат толку комплексен што дури и на најобичниот маж или жена им е потребно големо богатство за да живеат на начин што наближува до целосност. Секој човек природно сака да стане сè што е способен да стане; оваа желба за остварување на вродените можности е својствена за човековата природа; не можеме а да не сакаме да бидеме сè што можеме. Успехот во животот е да станеш оној кој сакаш да бидеш; можете да го постигнете тоа само со употреба на ствари, а може слободно да користите ствари единствено доколку станете доволно богати за да ги купите. Затоа, да се разбере науката за стекнување богатство е најважното од сите знаења.

Нема ништо лошо во тоа да сакате да се збогатите. Желбата за богатство е всушност желба за побогат, поисполнет и пообилен живот и таа желба е за пофалба. Човекот кој не посакува да живее пообилно не е нормален, па со тоа и човекот кој не сака да има доволно пари за да купи сѐ што сака, не е нормален.

Постојат три двигатели за кои живееме:

• живееме за телото,
• живееме за умот и
• живееме за душата.

Никој од овие не е подобар или посвет од другите; сите се подеднакво пожелни и ниту еден од трите – тело, ум или душа – може да живее целосно, доколку на кој било друг му е ускратен потполн живот и изразување. Не е во ред или благородно да се живее само за душата, а да се негира умот или телото. Исто така е погрешно да се живее за интелектот, а да се негираат телото и душата.

Сите сме запознаени со грозните последици од живеењето за телото негирајќи ги умот и душата и гледаме дека вистинскиот живот значи целосен израз на сè што човек може да даде преку телото, умот и душата. Како и да е, никој не може да биде навистина среќен или задоволен, доколку неговото тело не живее целосно во секоја своја  функција, а истото важи и за неговиот ум и и за неговата душа. Каде и да има неизразена можност или неизвршена функција, постои незадоволна желба. Желбата е можност што бара да се изрази или функција која бара да биде извршена.

Прочитај и: НАУКА ЗА СТЕКНУВАЊЕ БОГАТСТВО | Дел 2/4

Прочитај и: НАУКА ЗА СТЕКНУВАЊЕ БОГАТСТВО | Дел 3/4

Прочитај и: НАУКА ЗА СТЕКНУВАЊЕ БОГАТСТВО | Дел 4/4

Книгата можете да ја најдете во Книготека Икона на Максим Горки бр 17, Ул Македонија бр 24 и во ТЦ Рамстор Мол