Аналитика
Дунав синоќа се излеа од коритото во Будимпешта, при што нивото на водата достигна 7,93 метри, што е највисоко во последната деценија. Невообичаени поплави на почетокот на зимата беа предизвикани од обилни врнежи од дожд и снег, проследени со благо време.
Унгарската Генерална дирекција за управување со води соопшти дека Дунав доцна во средата го достигнал врвот на 6,93 метри, под 8,91 метри забележани во 2013 година кога започнаа екстремните поплави во Централна Европа по обилните дождови кон крајот на мај, пренесува News.Az, цитирајќи Ројтерс.
Во Унгарија, која се бори со поплави откако циклонот Борис предизвика обилни врнежи во Централна Европа, ситуацијата е најкритична во селото Кисмарош, каде мештаните веќе користат чамци по улиците, додека населението на градот Баја се подготвува за најголемата поплава во последните 11 години, пренесува Index.hu.
„Во Будимпешта се очекува бавен раст, водостојот на Дунав ќе се зголеми за педесет сантиметри до сабота навечер, по што реката полека ќе почне да се повлекува“, изјави генералниот директор на националното водостопанство Иштван Ланг.
Иако овогодишните поплави на Дунав не предизвикаа голема штета во Будимпешта, експертите предупредија дека климатските промени би можеле да ги зачестат раните поплави. „Ако ја погледнеме поголемата слика, можеме да видиме дека зимските врнежи растат и со порастот на температурите ќе видиме помалку снежни врнежи плус може да се стопи порано“, рече климатскиот истражувач Ана Кис, која работи на проект за климата „1,5 степени“. „Така можеме да претпоставиме дека во иднина поплавите предизвикани од топењето на снегот што се случуваше во пролетта би можеле да се случат порано, можеби во текот на зимските месеци“, вели истражувачката.
Управата за водоснабдување соопшти дека последен пат нивото на Дунав надминало 6 метри во месец декември беше во 1987 година, но тогаш тој не ги поплави насипните патишта. „Имаше големо количество на врнежи во притоките на Дунав, а снегот се стопи поради благото, но влажно време, па поплавата дојде порано“, се вели во соопштението, додавајќи дека не може да се исклучат обновените поплави на пролет.
КАТАСТРОФАЛНИТЕ ПОПЛАВИ НАПРАВИЈА ШТЕТИ ТЕШКИ МИЛИЈАРДИ
Луѓето во Будимпешта шетаа покрај реката под сончевите зраци, уживајќи во ретката глетка на бранови кои прскаат на насипот под зградата на парламентот. „Се сеќавам на големи поплави, но не во декември. Во декември Дунав мрзнеше. Се сеќавам на времињата кога бев многу млад и мразот околу мостот на синџирите мораше да се разбие со експлозии“, вели жителот на Будимпешта, Миклош, кој одби да го даде своето презиме.
Најлошите поплави што ја погодија централна Европа во последните две децении погодија делови од Полска, Чешка, Романија, Австрија и Словачка и однесоа најмалку 24 животи.
Претседателката на Европската комисија, Урсула фон дер Лајен вчера се сретна со лидерите на европските земји погодени од поплавите, меѓу кои Полска, Австрија, Чешка и Словачка и вети финансиска помош од Европскиот фонд за солидарност.
Таа изјави дека ЕУ ќе обезбеди уште 10 милијарди евра од кохезиониот фонд поради огромните штети што ги предизвикаа поплавите врз инфраструктурата и станбените згради.
(Фото: РСЕ и Хсинхуа)
