Аналитика
Денеска ја одбележуваме моќта на заедништвото и на хуманоста со донација на средства за хигиена за Дневниот центар за деца на улица во Шуто Оризари во Скопје.
Со оваа донација ја продолжуваме нашата традиционална предновогодишна пракса да помогнеме за достоинствен живот на децата кои најмногу имаат потреба од поддршка.
Комерцијална банка веќе 15 години го помага работењето на Дневниот центар за деца на улица во Шуто Оризари и придонесува оваа најранлива категорија на деца да го добијат тоа што го заслужуваат – грижа, образование и достоинствен живот. Дневниот центар згрижува околу 60 деца и им обезбедува простор каде што ќе се чувствуваат безбедно и сигурно.
Солидарноста е нашата одговорност кон заедницата. А, грижата за децата е најголемата одговорност за секое општество, која како општествено одговорна компанија со гордост ја споделуваме.
