Аналитика
Цената на струјата ќе биде повисока за 2,5 насто доколку од први јули стапката на ДДВ од сегашните 10 се врати на 18 проценти. Без таа промена крајната сметка на домаќинствата ќе се намали за 4,26 отсто, ја соопшти одлуката на Регилаторната комисија за енергетика, претседателот Марко Бислимоски. Од први декември, пак, со стартот на дневната евтина тарифа сметките ќе се намалат линеарно за пет проценти.
Од првиот ден на јули за 7,04 отсто ќе се намали вкупната цената на електричната енергија во првиот блок, а вториот за 4,09 проценти. Зголемување од 2,54 насто ќе има во третиот блок и за 2,42 проценти во четвртиот блок
РКЕ носи одлуки за цени и тарифи за електричната енергија без ДДВ, посочи Бислимоски и наведе дека е ова втора последователна одлука со која цените на струјата без ДДВ се намалуваат за домаќинствата и за малите потрошувачи.
Како наведе, со вклучено зголемено ДДВ во првиот блок цената се намалува за 0,28 отсто, во вториот се зголемува за 2,88 насто, во третиот растот е за 9,99, а во четвртиот за 9,87 проценти. Кај домаќинствата со просечна потрошувачка влијанието на зголеменото ДДВ е 2,5 проценти.
ЧИТАЈТЕ УШТЕ
Минатата година по разни основи, присилно се наплатени над 145 милиони евра. Тоа е сумата што ја реализирале 100 извршители за долговите што ги направиле физички и правни лица, но и државата. Од фирмите должници, извршителите лани наплатиле 81,7 милиони евра, од граѓаните 40,5 милиони евра, а најмалку од државата – 23,4 милиони евра, покажува анализата на Пари.
ЌЕ СЕ СЛУЧИ ЛИ „ТЕПАЧКАТА НА ВЕКОТ“: И Цукерберг и Маск велат дека се подготвени
