,,Комодита Хоум” ќе донира 1.500 душеци вредни 100.000 евра за болниците, мисијата ја започна од ,,Козле”

1.500 душеци во вредност од над 100 илјади евра ќе им донира „Комодита Хоум“ на болниците во земјава, ковид-центрите и најзагрозените семејства. Генералниот директор, Харитон Гаџоски  рече дека душеците се од висок квалитет и дека се посебна гордост на брендот бидејќи се од сопствено производство.

Директорот на Детската болница Козле, Бесник Зеќири, се заблагодари на донацијата и рече дека посакува соработката со „Комодита Хоум“ да продолжи и во иднина.

Под слоганот „Секој сон е важен“  Комодита ја почна својата хуманитарна акција, која освен Детската болница Козле, ќе ги опфати и Кардиологија, ковид-центри низ Македонија, Геријатрија, СОС-Детско село. Донација е со финансиска вредност од над 100.000 евра. „Комодита Хоум“ на македонски пазар е присутна од 2019 година, а на годишно ниво компанијата произведува над 3 милиони душеци и над 3 милиони перници.