Аналитика
Тимот на Комерцијална банка блескаше на годинашната трка Business Run 2025, освојувајќи прво и второ место во женска конкуренција, како и второ место во машка и во екипна категорија.
На спортската манифестација што годинава собра над 500 учесници од 40 компании, КБ тимот во состав Снежана Димовска, Елена Димитровска, Миомир Алексовски, Маријан Шамоски и Денис Димески постигна забележителен успех, демонстрирајќи тимски дух, истрајност и спортска подготвеност.
Најдобри резултати остварија:
- Снежана Димовска – апсолутна победничка во женска конкуренција;
- Елена Димитровска – второ место со одличен настап;
- Миомир Алексовски – второпласиран во машка конкуренција.
Од Комерцијална банка упатија честитки до целиот тим за, како што посочуваат, „вистинскиот натпреварувачки дух со кој ја претставуваат Банката со енергија и гордост“.
