Злато и сребро на Банкарските спортски игри за вработени во Комерцијална банка

Силна мотивација, тимски дух и желба за победа – доволно за претставниците на Комерцијална банка да остварат низа успешни резултати на годинашните Банкарски спортски игри. Вработени во Комерцијална банка собраа златни и сребрени медали и покажаа и докажаа дека спортските вештини, засилени со цврста соработка и посветеност, се формула за успех.

Во конкуренција на 12 финансиски институции, претставниците на Комерцијална банка беа најдобри во куглање и во пинг понг жени, а второ место освоија во тенис и одбојка жени, куглање и одбојка мажи и во шах. Бронза освоија во женска конкуренција на баскет и пикадо.

Честитки за КБтим!

По двегодишна пауза поради Covid пандемијата, Банкарските игри се одржаа од 12 до 15 мај во Охрид во организација на Синдикатот на финансиски организации на Македонија – СФОМ.