Генерали Инвестментс: Втората половина на декември носи многу информации

Тимот на Генерали Инвестментс подготви резиме за актуелните настани кои влијаат врз пазарите на капитал.

Втората половина на декември носи многу информации

Втората недела од декември беше само увертира за последните, но важни денови од декември за инвеститорите на светските пазари. Втората половина на декември носи еден куп важни информации. Од американската инфлација до одлуките на ФЕД и ЕЦБ за големината и темпото на идните зголемувања на каматните стапки. Инвеститорите ќе посветат посебно внимание на комуникацијата меѓу ФЕД и ЕЦБ и можните промени во монетарната политика во 2023 година. Пазарите како обврзниците така и акциите се во интересна позиција. Пазарот на обврзници сугерира дека рецесијата е многу веројатна, бидејќи кривата е инверзна практично на целата должина. Тоа значи дека приносите на краткорочните обврзници се повисоки од долгорочните, а во берзанскиот свет тоа е еден од главните показатели за здравјето на економијата. Од друга страна, берзите растат бидејќи очекуваат пониска инфлација и пред сè, намалување на каматните стапки во втората половина на 2023 година. Моментално берзите земаат во предвид многу мали надолни корекции, практично без рецесија. Ова може да претставува проблем за 2023 година доколку работите не одат според очекувањата. Интересно е што повеќето големи инвестициски банки очекуваат рецесија во нивното основно сценарио и дно на берзите во првиот или вториот квартал од следната година. Оттука, јазот помеѓу состојбата на пазарот и очекувањата е многу голем. Од една страна, тоа покажува дека има уште многу слободен капитал од пандемијата, а од друга страна, дека инвеститорите продолжуваат со инвестирање во акции и покрај песимизмот, бидејќи тие ги гледаат како долгорочна можност.

Американскиот и европскиот пазар ги задржаа нивоата постигнати во изминатата недела

Американскиот и европскиот пазар ги задржаа нивоата постигнати во изминатата недела. Технички гледано, американскиот S&P неуспешно се обидува да го надмине своето 200-дневно ниво, што претставува значајна бариера за растот понатаму. Макроекономските податоци беа малку подобри од очекуваните. Услугите добро се држат, инфлацијата продолжува да покажува знаци на попуштање. Пазарот на трудот останува силен. Во некои дефанзивните пазари на капитал, најдобри перформанси постигнаа индустриите за здравство, нега и основни стоки.

Рецесијата веќе пристигна во Европа

Европските пазари исто како и американските ги чекаат клучните економски податоци во наредните денови. Ревизијата на растот на БДП за последниот квартал покажа малку повисок раст од првичните прогнози, но повеќето други показатели, особено индексите на менаџерите за набавка PMI, покажуваат дека рецесијата веќе пристигна во Европа. Затоа, силните европски пазари на акции продолжуваат да изненадуваат со многу мал пад оваа година. Војната во Украина моментално е во фаза на затишје, поради што Европа многу повеќе се занимава со цените на енергијата, каде што гледаме сè поголем државен ангажман на пазарите. На краток рок, ваквите мерки се позитивно примени и од населението и од повеќето економии, но историското искуство покажува дека таквите мерки може да доведат до сериозни нарушувања на пазарите и следствено, до големи аномалии и на долг рок, голема штета за економиите. Останува основното прашање во Европа, кој и на каков начин ќе плати за сето ова ограничување и евтина енергија. Европа се соочува со бран потреби за рефинансирање на постоечките долгови и значителен износ на нови. Ова ќе биде многу тешко, ако не и невозможно, со зголемувањето на каматните стапки од страна на ЕЦБ и желбата да се стави крај на лабавата монетарна политика. Владите се потпираат на фактот дека рецесијата ќе биде блага и дека БДП ќе продолжи да расте во номинална смисла поради високата инфлација. Ова може да испадне дека е дупка без дно. Но, бидејќи Божиќ е време на чуда и верба во подобро утре, да го оставиме ова негативно размислување за почетокот на 2023 година.

Трговските односи меѓу Кина и САД и Европа полека, но континуирано се влошуваат

Пазарите во развој продолжуваат да бидат атрактивни, главно поради влијанието на кинеското напуштање на нултата ковид политика, а некои инвеститори полека се враќаат. Со брзото напуштање на мерките во последните денови, може да очекуваме брз пораст на заразите и голем притисок врз здравствениот систем, што на процесот на отворање ќе му даде воздух на неизвесност, но процесот изгледа неповратен. По неодамнешните протести очигледно нема враќање назад. Сепак, темпото на закрепнување ќе биде непредвидливо, така што можеме да очекуваме зголемена нестабилност на пазарот. Вниманието од почетната приказна полека ќе се префрли на здравјето на економијата, каде што сме сведоци на значително успорување. Во исто време, трговските односи меѓу Кина и САД и Европа полека, но постојано се влошуваат. Ова е тренд веќе неколку години и кај двете американски администрации – републиканците и демократите. Овде не можеме да очекуваме промена на подобро, најмногу што можеме да се надеваме е дека процесот на прекинување на некои економски врски ќе биде уреден и постепен, за да може овие врски да се заменат со други, посебно на внатрешните пазари.

СОВЕТИ ЗА ИНВЕСТИТОРИ

Нè очекуваат декемвриските состаноци на ЕЦБ и ФЕД, кои можат повеќе да ги размрдаат пазарите. Макроекономските податоци, со исклучок на инфлацијата, не се подобруваат, но со оглед на тоа што пазарот на трудот останува многу силен, шпекулациите за идната монетарна политика остануваат многу широки. Остриот скок на берзите во изминатите два месеци покажува дека на берзите чекаат многу слободни пари на „дното“ на пазарите на капитал. Од друга страна, се чини дека овој раст или отскок се исцрпени и за поместување повисоко ќе бидат потребни различни, нови и пред се пооптимистички информации. Можно е и движење малку пониско, бидејќи инвеститорите ќе бидат соочени со избор да капитализираат дел од краткорочните добивки пред крајот на годината. Во вакво опкружување, кога централните банки остануваат централен играч на пазарите на капитал и нивната комуникација останува доста непредвидлива, а од друга страна силниот раст на пазарите во последните недели, се укажува на потреба од зголемена внимателност и поконзервативен пристап во првите недели од новата година. Со оглед на сите предизвици и очекувани промени, акциите повеќе не се евтини, но одредени сегменти на пазарот се уште нудат можности, бидејќи иднината или очекувањата на инвеститорите за тоа како треба да изгледа истата може многу брзо да се променат. Препорачуваме да се задржи долгорочен пристап со периодични зголемувања на инвестициите, што се покажа како добар одговор и најдобар резултат во услови на поголема нестабилност. Диверзификацијата на портфолиото останува клучен двигател. Комбинација од акциски фондови како што се Генерали Топ Брендови, Генерали НОВА ЕУ и паричниот фонд Генерали Кеш Депозит, ги нуди најдобрите решенија за сложениот коктел на актуелната политичка ситуација и економското опкружување. Тоа исто така носи одредени можности. Оние кои имаат поголема позиција во технологијата или одредени други сегменти во нивното портфолио можат да го искористат овој пораст за да ги реконструираат своите портфолија. Генерали БРИК сепак, останува многу шпекулативна инвестиција, бидејќи кинеската држава редовно и често ја менува сликата за иднината што ја предвидуваат инвеститорите, што со себе носи силни флуктуации. Времињата се непредвидливи и ќе се појават можности. Последниот пораст покажува дека пазарот е непредвидлив и дека се потребни постепени и методички чекори во прилагодувањето на инвестициското портфолио, бидејќи чекањето на оптимален момент води до можност за пропуштање на силни скокови. Порастот не значи дека кризата е завршена и дека не е можно ново дно. Тоа само покажува дека да се биде премногу самоуверен во една приказна и како резултат на тоа да се има неизбалансирано портфолио може да биде опасно.