Аналитика
За време на тешката енергетска криза во светот и големиот скок на цената на нафтените деривати, граѓаните на Обединетите Арапски Емирати имаат привилегија да не се грижат за цената на горивото.
Во Дубаи автомобилите најмногу се возат на бензин, кој се продава во две варијанти: специјална (95 октани) и супер (98 октани), кои се околу 2,8 дирхами, додека цената на дизелот за литар е речиси три дирхами.
Инаку, за еден долар во менувачниците со вклучена провизија добивате околу 3,5 дирхами и околу четири за едно евро.
Дубаи стана најмодерен град, глобален трговски и деловен центар, иако има десет пати помалку производство на нафта на својата територија од соседниот Абу Даби, додека преостанатите пет емирати речиси немаат нафта.
ОАЕ произведуваат во просек по три милиони барели нафта и деривати дневно и имаат резерви на нафта од 100 милијарди барели.
Така, приближно 30 отсто од БДП на земјата директно се заснова на производството на нафта и гас, што придонесува со речиси 13 отсто од вредноста на нејзиниот вкупен извоз.
Резервите на нафта на ОАЕ се, според некои проценки, шести по големина во светот, а резервите на природен гас на ОАЕ се на седмо место.
Според претходните податоци, просечната плата во Дубаи надминала 2.500 евра, а неговите жители велат дека се зависи од професијата и дека можеби сега е поголема, бидејќи има голем број странци кои се многу добро платени.
Затоа во Дубаи се возат модерни автомобили и ретко кој користи јавен градски превоз, најмногу работници, пред се се од Индија, Филипини и други азиски земји.
Таксито е прилично погодна форма на транспорт, со почетна цена од пет дирхами (1,2 евра).
На пример, растојание од околу 30 километри во центарот на градот на Дубаи чини околу 15 евра, во зависност од гужвите.
Цените на метрото се уште поевтини, а со билет за метро што, на пример, има 50 дирхами, може да се направат 10 возења.
