ПОЧЕТОК НА НОВА ЕРА: Генерацијата Бета ќе бидат дефинирани со вештачка интелигенција и автоматизација

Експертите предвидуваат дека бебињата родени во 2025 година и подоцна ќе пораснат длабоко интегрирани со вештачката интелигенција. Многумина ќе доживеат да го видат 22 век.

Бебињата родени на 1 јануари и потоа, ќе бидат дел од генерацијата Бета, нова етикета за оние родени помеѓу 2025 и 2039 година.

Социјалниот истражувач Марк Мекриндл истакна: „Додека генерацијата Алфа го доживеа подемот на паметната технологија и вештачката интелигенција, генерацијата Бета ќе живее во ера во која вештачката интелигенција и автоматизацијата се целосно вградени во секојдневниот живот – од образование и работни места до здравство и забава“.

Истражувачката фирма McCrindle во блог-пост објави дека генерацијаѕа Бета ќе сочинува 16% од светската популација до 2035 година.

Генерацијата Бета, исто така, се очекува да биде силно обликувана од технологијата, исто како и нивните предци од генерацијата Алфа кои понекогаш се нарекуваат „iPad-деца“ поради нивната перцепирана зависност од технологијата.

Мекриндл напиша дека животите на генерацијата Бета ќе бидат дефинирани со вештачка интелигенција и автоматизација – и тие ќе се соочат со големи општествени предизвици како што се климатската криза и глобалните промени на населението.

Родителите на децата од генерацијата Алфа се повеќе се борат со тоа како да управуваат со односите на нивните деца со технологијата и алатките за вештачка интелигенција, кои станаа широко распространети од лансирањето на ChatGPT во ноември 2022 година.

Социјалните научници ги одредуваат имињата на генерациите и нивните временски периоди, генерално врз основа на главните историски, културни и економски настани кои карактеризираат одредена генерација. Почетокот и крајот на една генерација обично се дефинираат со големи настани како што се војни, економски бум или технолошки откритија. Baby Boomers беа обликувани од ерата по Втората светска војна, а Millennials се дефинирани со појавата на интернетот и дигиталната технологија. Промените во медиумите и социјалните вредности се една од културните промени што ја дефинираат секоја генерација. Економските фактори, како што се циклусите на рецесија или променливите трендови на пазарот на труд, влијаат на тоа како една генерација го живее животот. Податоците од други области, како што се наталитетот и пописите, помагаат да се одреди приближната временска рамка за секоја генерација, обично помеѓу 15 и 20 години.

Генерацијата Бета веројатно ќе ги има сите технологии беспрекорно вткаени во нивниот секојдневен живот, што ќе влијае на сè, од образование до комуникација и работа. Останува многу да се открие за точните карактеристики што тие ќе ги отелотворат, но едно е сигурно: во свет кој станува сè повеќе воден од иновациите и социјално и еколошки одговорен, тие ќе имаат и посебни предизвици и можности. И како што созреваат, така ќе созреваат и нивните вредности и приоритети, преобликувајќи го општеството на начини на кои едвај можеме да замислиме.