Аналитика
Акционерите на компанијата Apple ќе гласаат против платата од од 99 милиони долари, доделена на шефот на Apple, Тим Кук минатата година.
Службата за институционални акционерски услуги (ISS) на компанијата соопшти дека имаат „значајна загриженост“ во врска со големината на наградата, која е повисока во однос на минатата година за 14,8 милиони долари.
Тим Кук, чие нето богатство се проценува на повеќе од 1,3 милијарди долари, ја добил платата во акции, плата и други трошоци, пишува БиБиСи.
Во писмото до акционерите, ISS вели дека се загрижени во врска со „дизајнот и големината“ на пакетот. „Половина од наградата не е поткрепена со критериуми за перформинг“, соопшти ISS.
Г-дин Кук (61), кој честопати јавно зборуваше за неговата загриженост за прашањата за еднаквоста и човековите права, рече во 2015 година дека ќе го даде целото свое богатство пред да умре. Според ISS, платата на г-дин Кук била 1.447 пати поголема од платата на просечниот вработен во Apple. Неговиот пакет вклучувал 630.600 долари за трошоци за лична безбедност како и 712.500 долари за лична употреба на приватен авион. ISS сметаат дека цената на таквите поволности „значително ги надминала“ оние на другите големи компании минатата година.
Минатата година, поднесеното барање од Комисијата за хартии од вредност на САД (SEC) покажа дека г-дин Кук донирал речиси 7,4 милиони фунти од акциите на Apple во добротворни цели, без да го именува примачот.
Компанијата која стои зад iPhone, iPad и MacBook стана првата компанија која достигна берзанска вредност од 3 трилиони долари во јануари пред да се спушти до сегашната вредност од 2,8 трилиони долари. Добивките на акционерите сега се повисоки за повеќе од 1.000% откако г-дин Кук ја презеде функцијата во 2011 година.
Apple треба да го одржи годишниот состанок за акционерите во првата недела од март. Сепак, гласовите на акционерите се само советодавни, додека бордот на Apple одлучува за пакетите за плати. На минатогодишниот состанок, 95% од гласовите на акционерите ја поддржаа програмата за компензација на извршната власт на Apple.
Растечката опозиција
Компаниите во САД и Обединетото Кралство се соочуваат со посилно противење на акционерите околу плаќањето и компензацијата.
General Electric, IBM и Starbucks не успеаја да освојат мнозинство од поддршката на акционерите за платите на извршните директори во 2021 година. Американските нафтени фирми ExxonMobil и Chevron, исто така, имаа и бунт на акционерите поради климатските активисти минатата година.
Менаџерот со средства Блекрок, вториот најголем акционер на Ексон, ги удвои гласовите против предлозите за плати на извршните директори во Америка на почетокот на 2021 година, во споредба со 2020 година.
Во Велика Британија, повеќе од двојно повеќе компании, кои се на листата на првите 100 според њујоршката и лондонската берза (FTSE 100) лани се соочија со бунт на акционерите отколку во 2020 година, осудувајќи ги исплатите на извршните директори во време кога многу вработени се соочија со дополнителни финансиски тешкотии во пандемијата.
Претседателот Џо Бајден и Демократите во Конгресот повикаа на повисоки даноци за милијардерите и големите бизниси за да помогнат во плаќањето на големиот пакет за социјални трошоци. Предлогот треба да собере околу 16 милијарди долари со ограничување на одбивањата за компензација на извршната власт.
Со планот за зголемување на даноците во САД треба да бидат собрани пари за исплати платено семејно отсуство финансирано од федерално ниво, за проширени буџети за образование и за справувањето со климатските промени.
