Аналитика
Светот има се’ повеќе милијардери, а нив има се помалку стручни и способни експерти да ги советуваат што и како да прават со своето богатство. Ова го тврди најнова студија на голема финансиска консултантска компанија од САД, „МекКинзи“. Проблемот е што темпото на раст на бројот на милијардери не е совпаѓа со соодветниот број на финансиски советници, па наскоро нема да има доволно од нив.
Фактот дека денес во светот има сè повеќе ултрабогати поединци го потврдува и најновата листа на списанието „Форбс“, според која во 2025 година во светот има 3.028 милијардери, чие вкупно богатство е 16,1 трилион долари. Овој број на милијардери е невиден, па затоа услугите на финансиски советници се сè побарани. Кога на оваа бројка ќе се додадат сите оние кои „тежат“ од неколку до повеќе стотици милиони долари лично и семејно богатство, се доаѓа до бројки од повеќе десетици милиони лица кои своите финансии ги управуваат со помош на стручното знаење на финансиските експерти.
Според најновата студија на американската фирма „МекКинзи“, бројот на советуваните односи ќе продолжи да расте; проценуваат дека тој би можел да достигне од 67 милиони до 71 милион до 2034 година, што е зголемување од 28 до 34 проценти во однос на 53 милиони реалции советник-клиент во 2024 година.
Во студијата на „МекКинзи“ се истакнува дека останува прашањето дали понудата може да ја задоволи растечката побарувачка за овој тип експерти.
Во меѓувреме, бројот на финансиски професионалци во САД растел за само 0,3 проценти годишно во последните 10 години, а се очекува да се намали за 0,2 проценти во наредните години поради пензионирањето на многу експерти, додека нема доволно нови.
„МекКинзи“ посочува дека до 2034 година би можел да има недостиг од помеѓу 90 и 110.000 експерти.
Овој тренд не е ограничен само на САД, бидејќи е сè потешко да се најдат финансиски советници и во Европа.
Ова се случува не само поради зголемениот број богати луѓе, туку и затоа што многу европски семејни компании не се задоволни од квалификациите на постојните советници.
Менаџментот на компаниите што водат семеен бизнис е многу захтевен во овој поглед, а работата му припаѓа на оној во кого имаат најголема доверба.
Затоа, наоѓањето и ангажирањето финансиски советници ќе стане голем предизвик за компаниите во иднина, особено во САД, заклучува студијата.
Мекинзи предвидува растечко богатство на населението на САД. Бројот на богати домаќинства (оние со најмалку 500.000 долари во средства за инвестирање) ќе расте од 4 до 5 проценти годишно, во споредба со проектираниот раст на вкупното население од 0,6 проценти, според нивните проценки. „Трендот веќе може да се види денес: најголемата возрасна кохорта, миленијалците (72 милиони луѓе), имаат 25 проценти повеќе богатство отколку што имале Генерацијата X и бејби-бумерите на иста возраст“, се вели во студијата.
Растечка е и подготвеноста за плаќање за човечки совети. Анкетата на „МекКинзи“ за богати и високобогати потрошувачи на американските инвеститори покажува дека клиентите сè повеќе бараат поцелосни совети како што стареат, а нивните потреби стануваат посложени низ целиот спектар на услуги за планирање и биланс на состојба и инвестициски производи. Всушност, уделот на инвеститорите кои бараат поцелосни совети порасна од 29 проценти во 2018 година на 52 проценти во 2023 година. Во исто време, клиентите се сè повеќе подготвени да платат премија за човечки совет.
Речиси 80 проценти од анкетираните богати домаќинства посочуваат дека претпочитаат да платат премија од 50 базични поени или повеќе за човечки совет отколку да користат персонализирана услуга за дигитално советување со цена од околу десет базични поени; 29 проценти велат дека се подготвени да платат премија од 100 базични поени или повеќе. Понатаму, кај инвеститорите со повеќе од милион долари во средства за инвестирање, акции, кои се подготвени да платат премија од 100 базични поени или повеќе пораснале за 50 проценти од 2021 до 2023 година.
