Аналитика
Центарот за дигитална трансформација „Go digital“ имаат создадено еко систем во кој ќе има поддршка во планирањето на дигитализацијата на малите и средните претпријатија, во имплементација на конкретни проекти за дигитализација и помош во нивно финансирање. Целта е да им помогнат на успешните микро, мали и средни претпријатија да ја зголемат својата конкурентност преку примена на дигитални алатки. Во оваа епизода на New Biz Podcast, Наташа Велковска разговара со Јован Димитров, експерт за дигитална трансформација од „Go Digital“, за како микро и малите бизниси да можат успешно да се дигитализираат? Кои се клучните чекори за воведување на нови технологии? Каде да најдат финансиска и консултантска поддршка за трансформација? Како да бидат конкурентни на глобално ниво?
„Ние како како „Go Digital“ гледаме да го насочиме целиот еко-систем во целава приказна. Дигиталната зрелост кај малите и средните претпријатија во Македонија е многу ниска. Дигиталната зрелост најмногу се однесува на големите и средните компании. Кај микро и малите одвај има дигитална зрелост. Ако сметаме дека треба да се интегрираме кон пазарите на ЕУ, треба да ги подготвиме нашите компании да бидат спремни за отворен пазар и за конкуренција и спремни да настапуваат на пазарите. Како „Go Digital“ ќе направиме еден каталог на дигитални решенија, ќе направиме и мапирања на ИКТ – секторот да видиме какви решенија тие имаат, бидејќи може има некоја македонска компанија што го дава тој продукт некаде во странство, но ние не знаеме дека постои“, истакнува Димитров.
Тој додава дека сопствениците на угостителските објекти имаат проблем како да го водат распоредот на вработените, велејќи дека и за тоа имаат решенија за да се се спроведат, само допрва треба се види дали ќе ги поттикнат да се занимаваат со тоа.
„Ние во „Go Digital“ имаме систем за финансирањето на проектите, нашиот пристап е да гледаме компаниите да се успешни, мислиме дека успешните имаат средства бидејќи ние даваме кофинансирани грантови, сакаме компанијата навистина да е заинтересирана и навистина да се имплементира. Правилниот пристап е дека е решена компанијата и таа да финансира, сериозна е во целиот процес, ние даваме кофинансирани ваучери за тоа до 10.000 евра, и плус истовремено обезбедуваме работа со консултант. Прави бесплатна проценка за спремноста за дигитализација и, доколку се подготвени, тие компании ќе влезат во втора фаза – се работи со вработените со сопствениците да се види која е визијата и од сето тоа да произлезе една стратегија, потоа се изработува стратегијата за дигитализација и потоа финансиска поддршка за имплементација со ваучери до 10.000 евра на првата од мерките што ќе биде определена дека ќе донесе најдобар придонес во развојот на претпријатието. Паралелно, за остварување на целта, „Go digital“ соработува со домашни ИТ-компании“, раскажува Димитров.
Каков е впечатокот на Димитров за користење на вештачката интелигенција од страна на компанииите, дали ја користат за да си ги олеснат процесите, за да го променат начинот на функионирање, да внесат нови процеси коишто ќе им заштедат време, енергија и ресурси.
„Од 15 компании коишто моментално ни се во процесот кај две до три коишто имаат нивни веб-продавници видовме и предложивме решенија кои може да го скенира и мапира производот и да даде опис на производот за да може полесно да се стави на веб-сајт. Кај останатите-не, но можеби таму има повеќе простор, бидејќи се производствени, во делот на роботизација, бидејќи има простор за воведување на механички работи коишто се прават, таму гледаме голема потреба и сега колку е тоа далеку и колку е возможно ќе видиме во престојниот период“, објаснува Димитров.
Вештачката интелигенција навлегува во сите индустрии и прави сериозни промени, но дали постои опасност пред се да се зголеми јазот на оние што ќе ги усвојат тие технологии наспроти оние што нема воопшто да се насочат спрема вештачката интелигенција.
„Вештачката интелигенција е толку жива материја, што секој ден се менува, и сметам дека треба да бидеме во чекор со неа. На пример во Србија – нивниот Центар за дигитална трансформација сертифицираше консултанти за вештачка интелигенција, така што тоа е начин и мора да го воведат сите компании особено на најмикро ниво, треба во секојдневното работење да се користи. Истото го правам и јас, на пример треба да обезбедам контент за веб-сајт и тоа го правам преку АИ, фасцинантно е каде се може да отидат технологиите со вештачка интелигенција и треба да се користи во секојдневното функционирање. И сметам дека ние имаме одличен кадар само треба да го задржиме и да го инкорпорираме во компаниите“, укажува Димитров.
Целата епизода и слични на оваа се достапни на New Biz Podcast
