Аналитика
Епл неодамна сериозно ги критикуваше промените во приватноста што ги воведува Фејсбук, сметајќи дека тие се на штета на корисниците и дека само огласувачите водени од профитот ќе бидат задоволни од нив.
Фејсбук не се воздржа од коментар, и одговори прилично остро, па дури отиде дотаму да закупат реклами во некои од најпознатите светски весници, со цел да им се спротивстават на ривалите и да кажат што имаат.
Имено, Епл им овозможи на корисниците на iOS да одберат дали и во колкава мера ќе дозволат нивните податоци да се споделуваат со разни реклами. Фејсбук смета дека ова претставува закана за „малите бизниси“, кои ги користат социјалните медиуми за да допрат до клиентиte.
Нови отворени стрели летаа од Тим Кук, кога на конференцијата “Computers, Privacy and Data Protection” изјави дека не смееме да ја занемариме теоријата дека колку подолго се користи некоја технологија за да се соберат што повеќе податоци, толку подобро.
Тој истакна дека, токму поради тоа, на интернет кружат разни погрешни теории на дезинформации и заговор, бидејќи алгоритмот е дизајниран да им обезбеди на сите она што сакаат да го видат и слушнат, па дури и екстремистите.
„Таквиот пристап има своја цена, а тоа се поларизација, изгубена доверба и насилство“, изјави Кук.
Тим Кук истакна дека „социјалната дилема“ не смее да стане социјална катастрофа, алудирајќи на неодамна објавениот филм „Социјална дилема“, кој се занимава со влијанието на социјалните мрежи врз психологијата на луѓето.
„На кого му припаѓа иднината? На оние кои развиваат иновации или на оние кои го ставаат нашето внимание во преден план и исклучуваат сè друго, будат страв и екстремизам, само за да ни покажат уште повеќе огласи?“, запраша Кук.
