Руската централна банка енормно ја зголеми каматната стапка за да ја спасува рубљата

Централната банка на Русија во вторникот ја зголеми својата референтна каматна стапка како итен потег во обид да го запре падот на рубљата, која сега се менува над 100рубљи во однос на американскиот долар.

Одлуката за зголемување на основната стапка за 350 базични поени на 12% беше објавена откако бордот на директори на Банката на Русија беше свикан еден ден порано, а Русија ги зголемува воените трошоци, додека санкциите од Западот го нарушуваат нејзиниот трговски биланс.

Руската валута во понеделникот помина 101 рубља за долар, губи повеќе од една третина од својата вредност од почетокот на годината и достигна најниско ниво во речиси 17 месеци. Малку закрепна откако централната банка го објави состанокот.

Економскиот советник на претседателот Владимир Путин, Максим Орешкин во понеделникот ја прекори централната банка, обвинувајќи ја, како што рече, нејзината „лабава монетарна политика“ на слабеењето на рубљата.

Тој рече дека банката ги има „сите потребни алатки“ за стабилизирање на ситуацијата и дека очекува нормализација наскоро.

Неколку часа по зборовите на Орешкин, додека рубљата нурна кон марката 102 во однос на доларот, банката го објави итен состанок за спас на валутата.

Банката соопшти дека побарувачката ја надминала способноста на земјата да го прошири економското производство, зголемувајќи ја инфлацијата и влијаејќи на „динамиката на девизниот курс на рубљата преку зголемената побарувачка за увоз“.

Банката последен пат направи итно зголемување на каматните стапки кон крајот на февруари 2022 година со зголемување на каматните стапки до 20% како резултат на непосредниот исход од испраќањето на руските трупи во Украина. Банката потоа постојано ги намалуваше трошоците за задолжување на 7,5% бидејќи силниот инфлациски притисок се намали во втората половина на 2022 година.

Русија забележа двоцифрена инфлација во 2022 година и по забавувањето во пролетта 2023 година поради тој висок базен ефект, годишната инфлација сега повторно е над целта на централната банка од 4% и забрзано.

Откако западните земји воведоа санкции кон Русија поради нејзината инвазија на Украина, рубљата падна и до 130 за долар, но централната банка донесе контрола на капиталот што ја стабилизираше нејзината вредност.