Како Московската берза падна и повторно порасна

Тешко е да се следат сите политички и економски последици од настаните во Украина во последните три дена. Заедно со заканата за отсекување на Русија од меѓународниот систем за плаќање SWIFT, упадот на руската армија во една од најголемите житници во светот ги наруши и резултатите на стоковите и берзите.

Поинаку не беше ниту на пазарите на капитал. Во четвртокот бевме сведоци на колапс на индексот на сите светски берзи, а Московската берза официјално падна, односно престана да се тргува, бидејќи кумулативниот индекс на акции кои котираат на неа за само 24 часа изгуби околу 22 отсто од вредноста.

Што всушност значи падот на берзата и кој е долниот праг по кој се најавува прекин на берзанското тргување?

Постојат воспоставени правила на сите светски берзи дека, доколку индексот падне меѓу пет и 20 проценти – во зависност од земјата и ликвидноста на одреден пазар – да престане да се тргува и потоа да се провери дали има некакви информации релевантни за формирање на цените. Тоа е редовна процедура“, објаснува за Бизнис.рс,  Бранислав Јоргиќ, финансиски аналитичар и добар познавач на берзите.

Сега се случи глобален настан кој на сите им е познат и како резултат на тоа берзата значително падна, некој за еден процент, некој за пет, а Москва за повеќе од 20 проценти.

Кога ќе се утврди дека ниту еден друг надворешен фактор не е причина за падот, тогаш врз него повторно се воспоставува трговија, како што беше случајот во петокот во главниот град на Русија. Дополнително, позитивно реагираше и Вол Стрит, кој оваа недела за прв пат се тргуваше во плус.

Што се однесува до Њујоршката берза, кога се случуваат воени кризи, американските инвеститори најмногу се одлучуваат за доларски хартии од вредност, вели нашиот соговорник, а во исто време беа објавени и извештаи за позитивното работење на американските компании и силниот економски раст на САД во последниот квартал од 2021 година.

Водечките берзански индекси пораснаа по новите санкции кон Русија

„Кога станува збор за Московската берза, очигледно имаше првична неизвесност поради ситуацијата, но се чини дека преовлада претпоставката дека таа ќе биде краткотрајна и дека враќање на, условно кажано, нормална ситуација во новите околности е очекувано. Сепак, во наредните денови може да се очекуваат дополнителни осцилации. Во кризни ситуации има прекумерни падови и последователни корекции, па берзите делуваат како нишало. Ова се повеќе или помалку очекувани реакции на финансиските пазари“, забележува Јоргиќ.

Прашање е како сегашната состојба ќе се одрази пред се на цената на енергенсите, па затоа треба со посебно внимание да се следат цените на нафтените и гасните компании на краток рок, бидејќи тие ќе бидат особено погодени од кризата, според берзанскиот експерт.

Спротивно на тоа, оние компании кои се помалку врзани за енергетскиот сектор ќе поминат подобро.