Аналитика
Благодарение на зголемената побарувачка, акциите на една компанија за производство на респиратори, Mindray Bio-Medical Electronics од Шенџен, пораснаа за 41%. Според Bloomberg Billionaires Index, на 03.04.2020, претседателот на компанијата Li Xiting го зголеми своето богатство за 3,7 милијарди долари.
И покрај волатилноста на берзата, дури после речиси 3 недели, од тогаш, неговото богатство се зголеми за 140 милиони американски долари.
Минатиот месец респиратори на Mindray немаа дозвола за продажба во САД, но поради големиот недостаток, Американската агенција за примена на храна и лекови (FDA) со вонредна уредба ја одобри нивната употреба.
Ова одобрување „ги зголемува можностите за брз влез на кинеските респиратори на пазарот во САД,“ пишува во неделниот извештај на аналитичарите од инвестиционата банка Citic Securities од Кина.
За споредба, капиталот на најбогатиот човек на светот, Jeff Bezos, се зголеми за 3,4 милијарди долари, додека пак на Бил Гејтс се намали за 15,3 милијарди долари.
Поради светската здравствена криза во светот има недостиг на опрема која на здравствените работници им е неопходна за да можат да се грижат за пациентите кои се во критична состојба.
Од Mindray изјавија дека светската побарувачка е најмалку 10 пати поголема од она што е во моментов достапно во болниците. Според гувернерот Andrew Cuomo, за неколку дена Њујорк ќе ги потроши сите свои залихи.
Бројот на смртни случаи во светот е повеќе од 53.000, а бројот на инфицирани достигна 1 милион. Во Европа најпогодени се Италија и Шпанија, иако болеста брзо се рашири и низ САД, каде смртноста, според претседателот Доналд Трамп, може да достигне бројка од 100.000.
Society of Critical Care Medicine проценува дека 960.000 пациенти од САД ќе имаат потреба од респиратори, а моментално државата има околу 200.000. Во Италија, земјата со најголем број смртни случаи, огромниот недостаток од респиратори ги принуди докторите да вршат тријажа на пацинетите.
Mindray, кои прават 3.000 респиратори месечно, не се единствениот производител на вакви машини во Кина. На веб страницата на FDA е објавено дека минатиот месец Beijing Aeonmed исто така добиле одобрение од страна на ова регулаторно тело. Акциите на трет производител, поточно на Jiangsu Yuyue Medical Equipment & Supply, скокнаа 98% оваа година, со што нивната пазарна вредност се зголеми за 5,7 милијарди долари.
Иако Mindray има пазарна капитализација од 44 милијарди долари, таа е далеку помала за големите компании како Medtronic со седиште во Даблин. Но оваа кинеска компанија има потенцијал да го зголеми своето пазарно учество, изјави Nikkie Lu, аналитичарка од Bloomberg Intelligence.
Во извештајот на Mindray се вели дека драстично е зголемен бројот на нарачки од Европа, при што Италија го купила првиот асортиман од речиси 10.000 парчиња, вклучувајќи респиратори и монитори.
Компанијата има 17 подружници во Кина и дејствува во 30 земји, а се занимава со производство на системи за надгледување, респиратори, дефибрилатори, машини за анестезија и системи за инфузија. Има тим за директна продажба во САД, а во нејзините долгогодиши светски партнери се вбројуваат Mayo Clinic, the Johns Hopkins Hospital, Massachusetts General Hospital и Cleveland Clinic, се вели во годишниот извештај на оваа компанија.
Li Ka-shing, најбогатиот човек од Хонг Конг, изгуби 7,1 милијарди долари оваа година заради рецесијата предизвикана од пандемијата како и од минатогодишните политички протести. Сингапур соопшти дека во првиот квартал од годината доживеале најголем економски пад во деценијата.
Бумот во побарувачката од респиратори нема да трае засекогаш, вели Ms Lu од Bloomberg Intelligence. Како што општествата стареат, побарувачката од машини за олеснување на дишењето ќе се зголемува, но не ни приближно колку за време на кризава, вели таа.
